മാരിത്തെയ്യങ്ങൾ.

കണ്ണൂർ ജില്ലയിലെ മാടായിയിലും പരിസരപ്രദേശങ്ങളിലും കർക്കടക മാസം 16 ആം തീയതി (ചില സ്ഥലങ്ങളിൽ 28ആം നാൾ) വീടുകൾ തോറും കയറിയിറങ്ങുന്ന വീടോടിത്തെയ്യങ്ങളാണ്‌ മാരിത്തെയ്യങ്ങൾ എന്ന പേരിലറിയപ്പെടുന്നത്.
മാരിക്കലിയൻ, മാമാരിക്കലിയൻ, മാരിക്കലച്ചി, മാമായക്കലച്ചി, മാരിക്കുളിയൻ, മാമായക്കുളിയൻ എന്നീ ആറു തെയ്യക്കോലങ്ങളാണ്‌ മാരിത്തെയ്യങ്ങൾ എന്ന പേരിലറിയപ്പെടുന്നത്.
നാടിനും നാട്ടാർക്കും ബാധിച്ച ശനി ബാധ ഒഴിപ്പിക്കാനാണ്‌ ഈ തെയ്യങ്ങൾ കെട്ടിയാടുന്നത്.

ഐതിഹ്യം

മാരിത്തെയ്യങ്ങളുടെ ആവിർഭാവം ചേർമാൻ പെരുമാളിന്റെ കാലത്തായിരുന്നു എന്നു കരുതുന്നു.
ദേശത്തിനെ ബാധിച്ചിരുന്ന 118 കൂട്ടം ശനിയേയും ഒഴിപ്പിക്കുന്നതിനായി മാടായിക്കാവിൽ നടത്തിയ ദേവപ്രശ്നത്തിൽ പാലായിൽ നിന്നുള്ള ഒരു വണ്ണാൻ സമുദായാംഗത്തെക്കൊണ്ട് ഒരു ശനിയും മലയനെക്കൊണ്ട് ഒരു ശനിയും ഒഴിപ്പിക്കുന്നതിന് തീരുമാനിക്കുകയും; ബാക്കിയുള്ള 115 ശനികളെ ഒഴിപ്പിക്കുന്നതിനായി പുലയ സമുദായത്തിനെ തെക്കൻ പൊള്ളയെന്ന സ്ഥാനികരേയും ചിറക്കൽ തമ്പുരാൻ ചുമതലപ്പെടുത്തി.
കർക്കടകമാസം 16-ം തീയതി തിരുവർക്കാട്ടുകാവിലെ ഉച്ചപൂജക്കു ശേഷമാണ്‌ മാരിത്തെയ്യങ്ങൾ കെട്ടിപ്പുറപ്പെടുന്നത്.
കുരുത്തോല കൊണ്ടുള്ള ഉടയാടയാണ്‌ ഈ തെയ്യങ്ങളുടെ പ്രത്യേകത.
കലിയനും കലിച്ചിക്കും മുഖത്ത് തേപ്പ് ഉണ്ടായിരിക്കും.
ഇതിൽ കുളിയന്‌ പൊയ്‌മുഖവും ഉണ്ട്.
തുടികളും ചേങ്ങിലയുമാണ് പക്കവാദ്യങ്ങളായി ഉപയോഗിക്കുന്നു.
തുടർന്ന് മാടായി പ്രദേശത്തെ വീടുകൾ തോറും കയറിയിറങ്ങുന്നു.
പുലയ സമുദായത്തിലെ പൊള്ള എന്ന സ്ഥാനികർക്കാണ്‌ ഈ തെയ്യം കെട്ടാനുള്ള അധികാരം.
വീടുകൾ തോറും കയറിയിറങ്ങി ശനിബാധ ഒഴിപ്പിച്ച് തൊട്ടടുത്ത പുഴയിലോ കടലിലോ ഒഴുക്കിക്കളയുന്നതാണ്‌ ഈ തെയ്യത്തിലെ പ്രധാന ചടങ്ങ്.

മരിയാട്ടവും മരിപ്പാട്ടും കണ്ണൂർ ജില്ലയിൽ പലഭാഗത്തും നടത്താറുണ്ടെങ്കിലും കാലവും കോലവും തെറ്റാതെ അത് നടത്തി വരുന്നത് തിരുവർകട്ടുകാവിലെ അവകാശികളായ പുലയസമുദായക്കാരാണ്.

നാട്ടിലെങ്ങും ദുരിതങ്ങൾ ഉണ്ടായപ്പോൾ മാടായിക്കാവിലെ കർമങ്ങൾ മുടങ്ങി.
കണിശ്ശനെ വരുത്തി കാവിലെ തിരുനടയിൽ പ്രശ്നം വച്ച് നോക്കിയപ്പോൾ, പുലയനായ പൊള്ളമാരിത്തെയ്യങ്ങൾ കെട്ടി മാരിപ്പാട്ടു പാടണമെന്നു വിധിച്ചു.
കർക്കിടകം 16ആം നാളിൽ ഉച്ചപൂജ കഴിഞ്ഞ  സമയത്തു മാരിക്കോലങ്ങളെ ആടിച്ചു മാരിയെ ഒഴിപ്പിക്കാനും ഒഴിഞ്ഞ മാരിയെ ആറ്റിലേക്ക് യാത്രയാക്കുകയും വേണം.
ആ തീരുമാനം ഇന്നും നടത്തിവരുന്നതാണ് ഇന്നുകാണുന്ന മാരിത്തെയ്യങ്ങളുടെ ഐതിഹ്യം.

സാധാരണയായി അഞ്ച് തെയ്യങ്ങളാണ് മാരിത്തെയ്യങ്ങളുടെ കൂട്ടത്തിൽ വരുന്നത്:

1. മാരിക്കലിഗൻ

2. മാരിക്കുളിയൻ

3. കാലദൂതൻ

4. മായക്കുളിയൻ

5. മാരിയമ്മ

ചിലയിടങ്ങളിൽ ഇവരുടെ എണ്ണത്തിലും പേരുകളിലും ചെറിയ മാറ്റങ്ങൾ കണ്ടേക്കാം. മാരിയമ്മ ഇതിലെ സ്ത്രീ രൂപമാണ്.

വേഷവിധാനവും ചടങ്ങുകളും

• വേഷം: മറ്റു തെയ്യങ്ങളെ അപേക്ഷിച്ച് ലളിതമായ വേഷവിധാനമാണ് ഇവരുടേത്. കുരുത്തോല കൊണ്ടുള്ള ഉടുപ്പും ചെറിയ കിരീടവുമാണ് പ്രധാന അലങ്കാരങ്ങൾ.

• സന്ദർശനം: കർക്കടക മാസം 16-ാം തീയതിയാണ് സാധാരണയായി മാരിത്തെയ്യങ്ങൾ ഇറങ്ങുന്നത്. മണി മുഴക്കിക്കൊണ്ടും പാട്ടുപാടിക്കൊണ്ടും ഇവർ വീട്ടുപടിക്കൽ എത്തുന്നു.

• ഗുരുതി: വീടുകളിൽ നിന്ന് ദോഷം മാറ്റാനായി 'ഗുരുതി' ഉഴിയുന്ന ചടങ്ങും ഇതിന്റെ ഭാഗമായുണ്ട്.

കടലിലൊഴുക്കൽ (മാരി ഒഴിപ്പിക്കൽ)

മാരിത്തെയ്യങ്ങളുടെ ഏറ്റവും പ്രധാനപ്പെട്ട ചടങ്ങ് ഇതിന്റെ സമാപ്തിയാണ്. കണ്ണൂർ ജില്ലയിലെ മാടായിപ്പാറയിൽ നിന്നും പഴയങ്ങാടി പുഴ വഴിയോ അല്ലെങ്കിൽ കടൽത്തീരത്തോ എത്തി തെയ്യങ്ങൾ തങ്ങളുടെ വേഷഭൂഷാദികൾ അഴിച്ചുമാറ്റി വെള്ളത്തിലൊഴുക്കുന്നു. ഇതിനെയാണ് 'മാരി ഒഴിപ്പിക്കൽ' എന്ന് വിളിക്കുന്നത്. ഇതോടെ നാട്ടിലെ സകല ദുരിതങ്ങളും ഒഴിഞ്ഞുപോയി എന്ന് ഭക്തർ വിശ്വസിക്കുന്നു.