പുലിമറഞ്ഞ തൊണ്ടച്ചൻ തെയ്യം.

പുലയ സമുദായക്കാരുടെ ആരാധനാപാത്രമായ ഒരു തെയ്യമാണ് പുലിമറഞ്ഞ തൊണ്ടച്ചൻ. ഈ തെയ്യം കാരിഗുരിക്കൾ എന്ന പേരിലും അറിയപ്പെടുന്നുണ്ട്. തൊണ്ടച്ചൻ എന്നത് വടക്കൻ മലബാറിൽ മുത്തച്ഛൻ എന്നതിനു പകരമായി ഉപയോഗിക്കുന്ന വാക്കാണ്.

പുരാവൃത്തം

കുഞ്ഞിമംഗലത്ത്  വാറന്താട്ട് വീട്ടിൽ കുഞ്ഞമ്പു നായരെന്ന ജന്മിക്ക് കൃഷിനടത്താൻ തിരുവർകാട്ട് കാവിൽ നിന്നും കൂട്ടികൊണ്ട് വന്ന അടിയാന്മാരായ വള്ളിക്കുടിച്ചിവിരുന്തിയ്ക്കും കാവിൽ മണിയൻ കാഞ്ഞിക്കരിമ്പനും കല്യാണം കഴിച്ച് അതിലുണ്ടായ സന്താനമാണ് കാരി. 
ചെമ്പിടാർകുരിക്കളുടെ കീഴിൽ കാരി അക്ഷരവിദ്യ പഠിച്ചു.
കളരിവിദ്യ പഠിക്കണമെന്ന് ആശ ജനിച്ചെങ്കിലും പുലയനായതിനാൽ കളരിയിൽ പ്രവേശനം ലഭിച്ചില്ല.
വാറന്താട്ട് വീട്ടില്‍ കുഞ്ഞമ്പു എന്ന ജന്മി അതിനൊരു പരിഹാരം കണ്ടു. 
പേരു മാറ്റി, തൻ്റെ പേരും വീട്ടുപേരും മേൽവിലാസമായി മാറ്റിപ്പറയാൻ അനുവദിച്ചു.
അപ്രകാരം കാരി മാടായിക്കളരി, നെക്കണം കളരി, തുടങ്ങിയ പതിനെട്ടു കളരികളിൽ ചേർന്ന് വിദ്യ പഠിച്ചു.
ചോതിയാൻ കളരിയിൽ നിന്നും  ആൾമാറാട്ടവിദ്യയും പഠിച്ചു.
കാരി മാടായി കളരിയിൽ തിരിച്ച് വന്നതിനു ശേഷം കാരിക്ക് കുരിക്കൾ (ഗുരിക്കൾ) സ്ഥാനം ലഭിച്ചു.
നാട്ടിൽ പോയിവരാനുള്ള അനുവാദം ചോദിച്ചപ്പോൾ പോയാൽ തിരിച്ചുവരില്ലെന്നു മനസ്സിലാക്കിയ കുരിക്കതിയമ്മ  പഠിച്ച വിദ്യകൾ ഒന്നുകൂടി പ്രദർശിപ്പിക്കാൻ കാരിയോടാവശ്യപ്പെട്ടു. 
പുലിവേഷമെടുത്തപ്പോൾ പുലിക്കൂട്ടത്തിൽചെന്നുചേർന്നുപോകുമെന്നു കുരുക്കത്തിയമ്മ ശപിച്ചു .
മന്ത്രവാദക്കുരിക്കളായി മന്ത്രവാദം നടത്തുവാനുള്ള അനുവാദം വാറന്താട്ട് വീട്ടില്‍ കുഞ്ഞമ്പു നൽകി.
അള്ളടം നാട്ടിലെ തമ്പുരാൻ്റെ ഭ്രാന്ത് ചികിത്സിക്കാൻ വിളി ആറു തവണ വന്നിട്ടും കുഞ്ഞമ്പു പോകാൻ അനുവദിച്ചില്ല.
ഏഴാമത് ചെമ്പോല പ്രമാണമാണ് വന്നത്, കാരിയെ അയച്ചാൽ പകുതി സ്വത്ത് കൊടുക്കാമെന്ന് തരവിൽ എഴുതിയിരുന്നു.
കാരികുരിക്കൾ ശിഷ്യന്മാരുമായി പുറപ്പെട്ടു.
അള്ളടം കോവിലകത്ത് എത്തി.
മന്ത്രവാദം തുടങ്ങി.
ബാധയിളകി തുള്ളിത്തുടങ്ങി, കുരിക്കളുടെ കൈയിൽ നിന്നും മദ്യം വാങ്ങികുടിച്ചത് മറ്റുള്ളവർക്ക് ഇഷ്ടമായില്ല. 
ഭ്രാന്ത് മാറിയപ്പോൾ തമ്പുരാക്കന്മാരുടെ വിധം മാറി.
സ്വത്ത് പകുതി നൽകാൻ അവർ തയ്യാറല്ലായിരുന്നു. 
ചെമ്പോല പ്രകാരം തരണമെങ്കിൽ പുലിപ്പാലും നരി ജടയും കൊണ്ടുവരണം എന്നായി കല്പന.
കാരികുരിക്കൾക്ക് ആൾമാറാട്ട വിദ്യ അറിയാമെന്നതിനാൽ വീട്ടിൽ പോയി എല്ലാവരോടും തൻ്റെ ഉദ്ദേശം പറയുന്നു. 
രാത്രി താൻ പുലിവേഷം പൂണ്ട് വരുമ്പോൾ അരി കഴുകിയ വെള്ളം മുഖത്തൊഴിക്കണമെന്നും, പച്ചച്ചാണകം കലക്കിയ വെള്ളത്തിൽ ചൂൽ മുക്കി മുഖത്ത് അടിക്കണമെന്നും ഭാര്യയെ ചട്ടം കെട്ടി. 
കാട്ടിൽ ചെന്ന് പുലിവേഷം കെട്ടി പുലിരൂപത്തിൽ പുലിപ്പാലും നരിച്ചടയും കൊണ്ട് വന്ന് കോവിലകത്ത് പടിക്കൽ വെച്ചു.
അതേ വേഷത്തിൽ വീട്ടിൽ രാത്രിയിലെത്തി. 
ഭാര്യ പുലിവേഷം കണ്ട് ഭയന്ന് വാതിൽ തുറന്നില്ല.
ചെയ്യാൻ പറഞ്ഞതെല്ലം അവർ മറന്നും പോയി. 
പുലിയാകട്ടെ പുരതുള്ളി അകത്ത് കയറി അവളെ പിളർന്ന് തിന്നു.
സ്വന്തം രൂപം തിരിച്ചെടുക്കാനാവാതെ കാരി പുലിയായി അവിടെ നിന്നും മറഞ്ഞു.
പുലിപാതാളത്തിൽ ലയിച്ചു. 

പുലിമറയലും ദൈവക്കരുവാകലും

തനിക്ക് ഇനി ഒരിക്കലും മനുഷ്യനാകാൻ കഴിയില്ലെന്ന് മനസ്സിലാക്കിയ ആ പുലി (കരിഗുരുക്കൾ) സങ്കടത്തോടെയും നിരാശയോടെയും കാട്ടിലേക്ക് തന്നെ നടന്നു മറഞ്ഞു. അന്ന് കാട്ടിലേക്ക് മറഞ്ഞ അദ്ദേഹം പിന്നീട് ദൈവക്കരുവായി മാറി നാടിന്റെ പരദേവതയായി കുടികൊണ്ടു എന്നാണ് വിശ്വാസം. പുലിയായി കാട്ടിലേക്ക് മറഞ്ഞതുകൊണ്ടാണ് ഈ തെയ്യത്തിന് 'പുലിമറഞ്ഞ തൊണ്ടച്ചൻ' എന്ന പേര് ലഭിച്ചത്.

കുറച്ച് നാൾക്കുള്ളിൽ അള്ളടം തമ്പുരാന് ബാധയിളകി.
പുലിമറഞ്ഞ തൊണ്ടച്ചൻ്റെ കോപമാണ് കാരണമെന്നു കണ്ട് ചേണിച്ചേരി കുഞ്ഞമ്പുവിനു സ്വത്തിൽ പാതി നൽകി.
കാരിയുടെ രൂപം സ്വർണ്ണം കൊണ്ട് ഉണ്ടാക്കി കാരികുരിക്കളുടെ തെയ്യം കെട്ടിയാടിക്കാനും തുടങ്ങി.
പുലയ ജാതിയിൽ പെട്ട കാരിയാണ് പിന്നീട പുലിമറഞ്ഞ തൊണ്ടച്ചനായി മാറി കീഴാളരുടെ ദൈവമായി മാറിയത്.
സന്ധ്യ മുതൽ പുലർച്ചെ  വരെ നടക്കുന്ന ഈതെയ്യത്തിൻ്റെ തോറ്റം  പാട്ടിൽ നിന്നും  കാരിയുടെ ചരിത്രം മനസ്സിലാക്കാൻ കഴിയും

വേഷവിധാനവും അവതരണവും

തന്റെ മനുഷ്യരൂപം നഷ്ടപ്പെട്ടതിലുള്ള സങ്കടവും രൗദ്രതയും ഈ തെയ്യത്തിന്റെ ഓരോ ചുവടുകളിലും കാണാൻ കഴിയും.

• മുഖത്തെഴുത്ത്: പുലിയുടെ മുഖത്തെ ഓർമ്മിപ്പിക്കുന്ന തരത്തിലുള്ള വളരെ സവിശേഷമായ മുഖത്തെഴുത്താണ് ഈ തെയ്യത്തിനുള്ളത്. മഞ്ഞയും കറുപ്പും നിറങ്ങൾ ഇതിൽ കൂടുതലായി ഉപയോഗിക്കുന്നു.

• ചലനങ്ങൾ: തെയ്യത്തിന്റെ നൃത്തച്ചുവടുകൾക്കും ഒരു പുലിയുടെ ചലനങ്ങളോട് സാദൃശ്യമുണ്ട്. പുലിയെപ്പോലെ പതുങ്ങിയും, പെട്ടെന്ന് ചാടിയാഞ്ഞുമുള്ള നൃത്തം ഭക്തരിൽ അത്ഭുതവും ഭക്തിയും നിറയ്ക്കുന്നു

theyyam calender update soon .... | kerala temple info